Ich bi e IT-Studentin us de Schwiiz und am Ahfang vu mine Zwenzger. Im Summer 2020 hani erfolgrich mini Lehr als Informatikerin in Fachrichtig Applikationsentwicklig abgschlosse und im Herbst gad direkt mitm Studium gstartet. Ich bsueche momentan de Bachelorstudiegang «International IT Management». D’Informatik ish somit en grosse Teil i mim Lebe, aber bi witem nid de wichtigsti. Wie vieli Informatiker entspreched au ich nöd am Klischee und verloh au gern mol de Bildschirm zum anderne Interesse nohzgoh.
I de vergangene Jahr sind mier vor allem privat immer wieder mega viel Froge über d’IT gstellt worde. Und wemmer denn amigs nohgluegt het ish mier schnell klar worde, dass IT-Themene im Internet eifach viel z’kompliziert erklärt werded.
Mit dem Blog möcht ich das ändere und alles so eifach wie möglich für eu erkläre. De Blog richtet sich bsundrigs a die lüt wo grad ahfanged Fuess z’fasse ir IT aber genauso a lüt wo eifach neugierig sind und ihres Wüsse gern wennd erwitere.
Mittlerwili gits sho so viel Biträg im Internet, dass me sehr schnell de Überblick verlüre cha. Ich wett eu Antworte liefere und dir e witeri Recherche erspare. Schnell und unkompliziert an Informatione z’cho isch vor allem hützutags sehr gfrogt. Leider ish es vorallem i de IT noned de Standard.
Damit immer ufm neuste Stand bliebsh chash gern uf de soziale Kanäl verbiluege.
Dich beschäftigt es Thema sho länger? Lohns mi do wüsse. Mier ish es e bsundrigs grosses Ahlige zum uf dem Blog Theme behandle wo für di relevant sind.
